రాజకీయ సమావేశాలు సాధారణంగా ప్రజల్లో పెద్ద ఆసక్తిని రేకెత్తిస్తాయి. అయితే చిన్న తప్పిదం జరిగినా పెద్ద వివాదంగా మారిపోతుంది. తాజాగా తమిళ హీరో-రాజకీయ నాయకుడు విజయ్ దళపతి నిర్వహించిన సమావేశం ఘోర విషాదానికి దారితీసింది.శనివారం సాయంత్రం కరూర్ జిల్లాలో టీవీకే పార్టీ అధినేత విజయ్ దళపతి నిర్వహించిన కార్నర్ మీటింగ్లో తొక్కిసలాట జరిగి 41 మంది అక్కడికక్కడే ప్రాణాలు కోల్పోయారు. ఈ ఘటన దేశవ్యాప్తంగా తీవ్ర చర్చకు దారితీస్తోంది.సానుభూతి, ప్రతిక్రియలుఈ ఘటనపై టీవీకే పార్టీ వ్యవస్థాపకుడు, నటుడు విజయ్ దళపతి మృతుల కుటుంబాలకు ప్రగాఢ సానుభూతి తెలిపారు. ముఖ్యమంత్రి ఎం.కె. స్టాలిన్ కూడా తీవ్ర ఆగ్రహం వ్యక్తం చేశారు. ఇకపై తమిళనాడులో రాజకీయ సమావేశాలకు పిల్లలు, మహిళలు హాజరు కాకుండా చట్టం తీసుకురావాలనే ఆలోచనలో ప్రభుత్వం ఉందని సమాచారం.సోషల్ మీడియాలో సీఎం స్టాలిన్ విజయ్ దళపతి మీద సీరియస్గా ఉన్నారని, అరెస్ట్ పేపర్లు సిద్ధంగా ఉన్నాయని వార్తలు వైరల్ అవుతున్నా అధికారిక నిర్ధారణ లేదు.
తొక్కిసలాటకు కారణం?
సమావేశ స్థలానికి గరిష్టంగా 10,000 మంది మాత్రమే అనుమతించే సామర్థ్యం ఉండగా, విజయ్ ఆలస్యంగా రావడంతో అభిమానులు విపరీతంగా చేరారు. మొదట 10,000, తర్వాత 20,000, చివరికి 30,000 మంది వరకు చేరుకున్నారని చెబుతున్నారు. ఒక్కసారిగా అందరూ విజయ్ను చూడటానికి దూసుకెళ్లడంతో తొక్కిసలాట చోటుచేసుకుంది. దాంతో భయాందోళన, అల్లకల్లోల పరిస్థితులు ఏర్పడి భారీ ప్రాణనష్టం జరిగింది.వాదనలు, ఆరోపణలుఈ ఘటనపై వేర్వేరు వాదనలు వినిపిస్తున్నాయి.“విజయ్ దళపతిపై ఈ విషాదాన్ని మోపడం తగదు, ఇది ప్రత్యర్థుల కుట్ర” అని కొంతమంది అంటుంటే“రాజకీయ సమావేశాలకు చిన్నపిల్లలను ఎందుకు తీసుకువెళ్తారు? పెద్దలు కూడా జాగ్రత్తగా ఉండాలి” అని మరికొందరు విమర్శిస్తున్నారు.మరో సెన్సేషనల్ వార్త ప్రకారం ఈ సమావేశానికి వచ్చిన ప్రతి ఒక్కరికి ₹1,000 నగదు ఇస్తామని స్థానిక నిర్వాహకులు ముందుగానే ప్రకటించడంతో పెద్దలతో పాటు చిన్నపిల్లలు కూడా తరలివచ్చారని చెబుతున్నారు. ఇదే పెద్ద జనసందోహానికి కారణమైందని కూడా సమాచారం. కానీ సోషల్ మీడియాలో మాత్రం విజయ్ దళపతిపై తీవ్ర విమర్శలు వెల్లువెత్తుతున్నాయి. ఈ ఘటనతో రాజకీయ సమావేశాల భద్రతపై కొత్త చర్చ మొదలైంది. ఇకపై తమిళనాడులో ప్రభుత్వం కఠిన చర్యలు తీసుకునే అవకాశముంది.
